蠔仔肉碎粥

 蠔仔肉碎粥

蠔仔肉碎粥 

 

材料：

白飯　　　　二碗

蚝仔　　　　四兩

瘦肉碎　　　二兩

冬菇　　　　兩朵

冬菜　　　　少許

大地魚　　　適量

中芹　　　　少許

蔥花　　　　少許

芫荽　　　　少許

 

做法：

蚝仔加入一大把生粉，用手輕輕拌勻，再用水輕輕沖洗乾淨備用；大地魚買回來先剪去周邊的鯺和尾，之後撕去皮和骨，剪成小方塊，慢火炸香撈起放涼備用；冬菇蒸淋，切粒粒備用；瘦肉切碎用豉油生粉醃一醃，撈少少油；冬菜洗乾備用；蔥、中芹、芫荽切碎﹔蔥、中芹、芫荽放在大湯碗中；先將蚝仔同瘦肉拖水，鑊注入上湯，加入蚝仔、肉碎、冬菜、冬菇粒，煮至大滾離火，加入白飯輕輕弄散，倒入大湯匙中，加入炸香大地魚即成，食時拌魚露上。

 

心得：

這個蠔仔肉碎粥不難做，只要材料夠，一定好吃，注意飯如果係冷飯，就要放湯中略煮，新鮮飯就免了，千奇唔好一早落飯，不然就變成粥了，大地魚有炸不夠身就香就會韌，炸過火就會有焦味，炸到剛剛好才會又香又脆；蚝仔要洗淨黑黑的烏物及蚝瞉就可以；不加蠔仔，就變成方魚肉碎粥；加鮑魚變成鮑魚肉碎粥；祝大家早日得食。